दीर्घकालिन खाद्य सुरक्षाकालागि रासायनिक मलको प्रयोग विस्तारै घटाउदै लैजानुपर्छ : कृषिमन्त्री भुसाल
कृषि तथा पशुपन्छी विकास मन्त्री डा.बेदुराम भुसालले दीर्घकालिन खाद्य सुरक्षाकालागि रासायनिक मलको प्रयोग विस्तारै घटाउदै लैजानुपर्ने बताएका छन् । विश्व खाद्य दिवसको अवसरमा आयोजित कार्यक्रममा बोल्दै उनले भने, ‘विश्व अर्गानिकतर्फ आकर्षिक भइरहेको सन्दर्भमा नेपाल पनि विस्तारै त्यसैतर्फ जानुपर्छ । नेपालले सन् २०३५ सम्ममा आत्मनिर्भर हुनुपर्ने लक्ष्य लिएर हिडेको छ । यसकालागि पनि सिंचाई, मल, बीउ र प्रविधिको उचित उपयोग गर्नुपर्छ ।’
यसकालागि नेपालले पनि विस्तारै जैविक÷प्राकृतिक मलको प्रयोग बढाउदै लैजानुपर्नेमा पनि उनले जोड दिए । आत्मनिर्भर हुनकालागि चैते धानलाई अभियानकै रुपमा लैजान सकियो भने अपुग १३ लाख मेट्रिक धानमध्ये ७÷८ सय मेट्रिक टन धान एकै वर्षमा बढ्ने जानकारी समेत मन्त्री भुसालले दिए ।
कृषि विभाग र एफएओको संयुक्त आयोजनामा मनाइएको विश्व खाद्य दिवस कार्यक्रममा राष्ट्रिय किसान आयोगका अध्यक्ष डा.प्रेम दंगालले किसान लक्षित अनुदानमा जोड दिनुपर्ने बताए । यस्ता कार्यक्रममा सधै समस्याहरु मात्रै राखिन्छन् तसर्थ अवका दिनमा समाधानबाट सुरु गर्नुपर्नेमा उनले जोड दिए ।
त्यसैगरि, कृषि तथा पशुपन्छी विकास मन्त्रालयका सचिव डा.रेवतीरमण पौडेलले खाद्य सुरक्षाको प्रत्याभूति गराउन पनि उत्पादन प्रणालीमा ध्यान दिनुपर्ने बताए । धेरै मात्रामा छरिएर बसेका साना किसानलाई एक ठाउँमा ल्याएर जोड्न सकियो भने धेरै सहज हुने पनि उनले वताए । उनले भने, ‘मौषम परिवर्तनले गर्दा विश्वमै खडेरी लाग्न सुरु भइसकेको छ । त्यसकोलागि पनि अहिलेदेखि नै ध्यानमा राखेर आगामी दिनमा अगाडी बढ्नुको विकल्प छैन् ।’
कार्यक्रममा राष्ट्रिय योजना आयोगका सदस्य डा.जयकान्त राउत, एफएओ नेपालका आवसीय प्रतिनिधि केन सीमीजू, खाद्यकालागि कृषि अभियानका तर्फबाट डा.कृष्ण पौडेल, कृषि विकास बैंकका प्रमुख कार्यकारी अधिकृत गोविन्द गुरुङ लगायतको उपस्थिती रहेको थियो । भने यहि अवसरमा आयोजित चित्रकला प्रतिष्पर्धामा विजेता संस्कृतमान श्रेष्ठ लगायतलाई पनि नगद पुरस्कार र प्रमाणपत्र वितरण गरिएको थियो ।
नौ जना किसान सम्मानित
विश्व खाद्य दिवसकै अवसरमा देशभर रहेका विभिन्न नौ जना किसानलाई जनही दश हजारका दरले सम्मानित गरिएको छ । सम्मानित हुनेहरुमा बर्दघाट, नवलपरासीका मौरीपालक किसान शिवप्रसाद पाण्डे, रुपन्देहीका च्याउ खेती किसान गंगाधर शर्मा, गन्यापधुरा गापा, डडेलधुराका तरकारी उत्पादक किसान दत्तराज अवस्थी रहेका छन् ।
त्यसैगरि, चिचिला गापा, संखुवासभाका मसलाबाली किसान दिनेश राई, रत्ननगर, चितवनका केरा खेती किसान शंकर सुवेदी, शिवसतासी, झापाका धान किसान खिरबहादुर श्रेष्ठ, हिमाल गापा, बाजुराका रैथाने कृषि उपज उत्पादक किसान देउमल भण्डारी, नुवाकोटका माछा पालक किसान शंकर गुणी र रुपन्देहीका पशुपालक किसान संदिप खनाल रहेका छन् । चितवनका केरा खेती किसान शंकर सुवेदीको वार्षिक आम्दानी साढे चार करोडसम्म रहेको उनले जानकारी दिए । भने, अन्य किसानको ५ लाखदेखि ५० लाखसम्म वार्षिक आम्दानी गर्दै आएका छन् ।
साभार:साभार
ट्रेण्डिङ समाचार
ताजा समाचार
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
प्रतिक्रिया