असारभित्रै कृषि बीमाको बाँकी अनुदान नदिए पुन: कारोबार बन्द गर्ने चेतावनी
नेपाल बीमक संघले कृषि बीमाको बाँकी अनुदान रकम असार भित्रै उपलब्ध नगराए पुन: कारोबार बन्द गर्ने चेतवानी दिएका छ ।
सरकारले असार मसान्त भित्र कृषि बीमाको अनुदान रकम दिने प्रतिवद्धता गरेपछि अहिले कम्पनीहरुले कारोबार सुरु गरेका छन् । तर, सरकारले प्रतिवद्धता गरेअनुसार पैसा नदिएमा पुन: कारोबार स्थगित गर्ने नेपाल बीमक संघले जनाएको छ ।
सरकारले अनुदान बापत २ अर्ब ९४ करोड ५८ लाख रुपैयाँ भुक्तानी दिनुपर्ने थियो । सरकारले लामो समयदेखि कृषि बीमाको अनुदान नदिएपछि निर्जीवन बीमा कम्पनीहरुले गत जेठ ७ गतेबाट यसको कारोबार स्थगित गरेका थिए । त्यसपछि सरकारले उपलब्ध गराउने अनुदान रकम नेपाल बीमा प्राधिकरणले पहिलो चरणमा ७५ करोड रुपैयाँ वितरण गरेको थियो । यस्तै, दोस्रो चरणमा ४० करोड रुपैयाँ दिएको छ । बाँकी रहेको अनुदान रकम असार मसान्तभित्र उपलब्ध गराउने भनिएको थियो । त्यसपछि भने कम्पनीहरुले कृषि बीमाको कारोबार सुरु गरेका छन् ।
गत जेठ ३० गते कृषि तथा पशुपन्छी विकास मन्त्री वेदराम भुषालको अध्यक्षमा बसेको बैठकले सो अनुदान रकम असार मसान्तसम्म उपलब्ध गराउने प्रतिवद्धता भएको थियो । सो प्रतिवद्धतापछि बीमा कम्पनीहरुलाई बीमालेख जारी गर्न आग्रह गरेका थिए । त्यसपछि नेपाल बीमक संघले पनि सोही अवधिसम्मका लागि (२०८० असार मसान्त) बीमालेख जारी गर्ने निर्णय गरेको थियो । तर, हालसम्म पनि सरकारबाट प्राप्त गर्नु पर्ने अनुदान रकम प्राप्त नभएको संघले जनाएको छ । केहि अनुदान भूक्तानी भएकोमा समेत रकम कट्टा गरि भूक्तानी दिएको संघले जनाएको छ । अब तोकिएको समय भित्र कोषमा रहेको अनुदान रकम प्राप्त नभएमा बीमकहरु पुन: समस्यामा पर्ने संघले भनाई छ । यथाशिघ्र हिसाव गरि अनुदान रकम बाँडफांड गर्न संघले माग गरेको छ ।
सरकारले कृषि तथा पशुबीमामा लाग्ने शुल्कमा ८० प्रतिशत अनुदान दिने गर्छ । त्योअनुसार कम्पनीले सम्बन्धीत ग्राहक (किसान) बाट २० प्रतिशत मात्रै शुल्क उठाउछन् । बाँकी पैसा सरकारले नै दिनुपर्ने हो । तर, त्यसबापतको रकम सरकारले लामो समयदेखि भुक्तानी गरेको छैन ।
अनुदान रकम भुक्तानी नपाएपछि बीमकले कृषि बीमालेखको बिक्री बन्द गर्ने घोषणा थिए । यसअघि नैसंघले एक विज्ञप्ति जारी गर्दै कृषि बीमालेख जारी गर्न र दावी भुक्तानी दिन स्थगन गरेका थिए । संचालनमा रहेका १४ वटा निर्जीवन बीमा व्यवसाय गर्ने कम्पनीहरुले कृषि बीमा अनुदान बापतको भुक्तानी विगत तीन वर्षदेखि नपाएका हुन् ।
साभार:arthapath
ट्रेण्डिङ समाचार
ताजा समाचार
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
प्रतिक्रिया