कालीमाटी तरकारी बजारका ५० प्रतिशत सटर र स्टल किसानले पाउनुपर्ने माग

राष्ट्रिय किसान सञ्जालले कालीमाटी फलफूल तथा तरकारी बजारमा खुला प्रतिस्पर्धाबाट सटरहरू भाडामा लगाउनपर्नेलगायतका मागसहित प्रदर्शन गरेको छ ।

सञ्जालको आयोजनामा शुक्रबार बिहान कालीमाटी तरकारी तथा फलफूल बजार विकास समितिको कार्यालयअगाडि किसानहरूले विरोध प्रदर्शन गरेका हुन् ।

किसानहरूले समितिले बिनाप्रतिस्पर्धा भाडामा दिने सम्झौता खारेज गर्न पनि माग गरेका छन् । त्यस्तै समितिअन्तर्गत रहेका ५० प्रतिशत सटर र स्टलहरू उत्पादक किसानलाई छुट्याउनुपर्ने पनि माग उनीहरूको छ । त्यस्तै बजार विकास समितिमा ५० प्रतिशत किसान प्रतिनिधि हुनुपर्ने पनि उनीहरूले माग राखेका छन् ।