पशुपन्छी मन्त्रालय र भेटेरिनरी एशोसिएसनबीच पाँच बुँदे सहमति
काठमाडौं, भदौ १२ सरकार र नेपाल भेटेरिनरी एशोसिएसनलगायत पशु स्वास्थ्यसँग सरोकार राख्ने संघ-संस्थाबीच पाँच बुँदे सहमति भएको छ। कृषि तथा पशुपन्छी विकास मन्त्री डा. बेदुराम भुसाल र आन्दोलनरत् संघ-संस्थाबीच मंगलबार पाँच बुँदे सहमति भएको हो। कृषि तथा पशुपन्छी मन्त्रालयमा मंगलबार आन्दोलनरत् संघ-संस्था र मन्त्रीबीच वार्ता भएको थियो।
वार्तामा कृषि तथा पशुपन्छी विकास मन्त्रालय र अन्तर्गतका निकायहरूको संगठन पुन:संरचना सम्बन्धमा पुन:संरचना समितिले तयार गरेको खाकामा विज्ञ एवम् सरोकावालासँग आवश्यक परामर्श र समन्वयपश्चात् अघि बढाउने सहमति भएको छ। संगठन पुन:संरचना गर्ने कार्य मंसिर मसान्तसम्ममा सम्पन्न गर्ने र पुन:संरचना सम्पन्न नभएसम्म बजेट हाल भएकै कार्यालयबाट निरन्तरता दिने व्यवस्था मिलाउने सहमति भएको छ।
यस्तै, लम्पी स्किन रोगबाट मृत्यु भएका पशुहरूको लागि राहत प्रदान गर्ने मापदण्ड तयारी गरी सहमतिका लागि प्रक्रिया अघि बढाइएको हुँदा मापदण्ड स्वीकृत भएपछि राहत दिने, अन्य संक्रामक रोग समेतले पशुधनको क्षति भएकोमा रोग नियन्त्रण, उपचार र पुन:स्थापनाका लागि पहलत गर्ने सहमति भएको छ। यसैगरी, बन्दै गरेको संक्रामक पशुरोग नियन्त्रण विधेयक २०८० छिटो अगाडि बढाउन पहल गर्ने, पशु सेवालाई प्रदेश र स्थानीय तहसम्म प्रभावकारी बनाउन आवश्यक पूर्वाधार र जनशक्तिको व्यवस्था गर्दै जाने सहमति भएको छ।
बुँदा नम्बर ५ मा आन्दोलनरत् पक्षले विरोधका सबै कार्यक्रम फिर्ता लिने सहमति भएको छ। पशुसेवा विभाग मातहत विभिन्न १६ वटा संघ-संस्था खारेज गर्ने मन्त्रालयको निर्णयपछि पशुसेवासँग सम्बद्ध संघ-संस्थाहरू आन्दोलित भएका थिए।
साभार:हलो खबर
ट्रेण्डिङ समाचार
ताजा समाचार
-
१.
-
२.
-
३.
-
४.
-
५.
-
६.
-
७.
-
८.
-
९.
-
१०.
प्रतिक्रिया